ԵՐԵՎԱՆ, 29 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 29-ին Երեւանի «Մոսկվա» կինոթատրոնում կկայանա Բրիտանական Ֆիլմերի 7-րդ փառատոնի բացման հանդիսավոր արարողությունը: Ինչպես «ՆՈՅՅԱՆ ՏԱՊԱՆ»-ին հայտնում են Հայաստանում Բրիտանական խորհրդից, արդեն 7-րդ տարին է, ինչ ՀՀ-ում Մեծ Բրիտանիայի դեսպանատան եւ խորհրդի նախաձեռնությամբ կազմակերպվում այդ փառատոնը, որի նպատակն է հայ հասարակությանը ներկայացնել բրիտանական մշակույթը: Այս տարի փառատոնի շրջանակներում կներկայացվեն բազմաթիվ մրցանակների արժանացած 6 ֆիլմեր:

---