ՄԵԿ ՏԱՐՈՒՄ ԱՄՆ ԴՈԼԱՐԻ ՆԿԱՏՄԱՄԲ ՀԱՅԿԱԿԱՆ ԴՐԱՄԸ 13,9%-ՈՎ
ԱՐԺԵՎՈՐՎԵԼ Է
01-04-2008 19:00:00 | Հայաստան | Տնտեսություն
ԵՐԵՎԱՆ, 1 ԱՊՐԻԼԻ, ՆՈՅՅԱՆ ՏԱՊԱՆ: 2008թ.-ի մարտին 2007թ.-ի
դեկտեմբերի համեմատ Հայաստանում սպառողական գների եւ ԱՄՆ դոլարի
նկատմամբ հայկական դրամի հաշվարկային փոխարժեքի հավելաճը կազմել է,
համապատասխանաբար, 4,8% եւ 1,5%:
ՀՀ Ազգային վիճակագրական ծառայության տվյալներով, 2008թ.-ի
մարտին փետրվարի համեմատ հանրապետության սպառողական շուկայում
արձանագրված 1,4% գնաճն ուղեկցվել է ԱՄՆ դոլարի նկատմամբ հայկական
դրամի հաշվարկային փոխարժեքի 0,01% նվազումով: Նախորդ տարվա նույն
ժամանակահատվածում սպառողական գների 2% հավելաճին զուգընթաց,
արձանագրվել է ԱՄՆ դոլարի նկատմամբ հայկական դրամի հաշվարկային
փոխարժեքի 1,6% նվազում: 2008թ.-ի մարտին ԱՄՆ դոլարի նկատմամբ
հայկական դրամի միջին հաշվարկային փոխարժեքը կազմել է 308,68 դրամ,
ինչը 13,9%-ով ցածր է նախորդ տարվա մարտի համապատասխան ցուցանիշից
(358,63 դրամ):