ՉԻԿԱԳՈ, 31 ՄԱՐՏԻ, ՆՈՅՅԱՆ ՏԱՊԱՆ: Մարտի 31-ից ապրիլի 3-ը ԱՄՆ-ի Չիկագո քաղաքում Հայաստանի քառակի չեմպիոնուհի եւ Եվրոպայի բազմակի մրցանակակիր, գրոսմայստեր Լիլիթ Մկրտչյանը մրցախաղ կանցկացնի ԱՄՆ-ի չեմպիոնուհի Իրինա Կրաշի հետ: Հանդիպումը կազմակերպել է Հյուսիսային Ամերիկայի շախմատի միությունը, որը ղեկավարում է Սեւան Մուրադյանը: Մրցակիցները կխաղան դասական շախմատի 4 պարտիա: Համաշխարհային դասակարգման ցուցակում Ի.Կրաշի վարկանիշը 2473 է, իսկ Մկրտչյանինը` 2405 է:

---