ՆԱԽԱՏԵՍՎՈՒՄ ԵՆ ՀՀ-ՀԲ ՀԱՄԱԳՈՐԾԱԿՑՈՒԹՅԱՆ ԸՆԴԼԱՅՆՄԱՆՆ ՈՒՂՂՎԱԾ
ՆՈՐ ԾՐԱԳՐԵՐ
26-03-2008 20:00:00 | Հայաստան | Տնտեսություն
ԵՐԵՎԱՆ, 26 ՄԱՐՏԻ, ՆՈՅՅԱՆ ՏԱՊԱՆ: ՀՀ ֆինանսների եւ
էկոնոմիկայի նախարար Վարդան Խաչատրյանի եւ աշխատանքային այցով
Հայասիան ժամանած Համաշխարհային բանկի տարածաշրջանային տնօրեն
Դոննա Դոուսեթ Կոյրոլոյի մարտի 26-ի հանդիպման ընթացքում քննարկվել
են երկկողմ հետաքրքրություն ներկայացնող մի շարք հարցեր: Ինչպես
«ՆՈՅՅԱՆ ՏԱՊԱՆ»-ին հայտնեցին ՀՀ Ֆինանսների եւ էկոնոմիկայի
նախարարության լրատվական ծառայությունից, կողմերը մասնավորապես
անդրադարձել են տնտեսության տարբեր ոլորտների զարգացման ուղղված
համատեղ ծրագրերի իրականացման ընթացքին:
Բարձր գնահատելով ՀԲ-ՀՀ համագործակցության ընթացքում
արձանագրված դրական զարգացումները, կողմերը քննարկել են նաեւ
համագործակցության ընդլայնմանն ուղղված նոր ծրագրեր սկսելու
հնարավորությունները: