ԵՐԵՎԱՆ, 25 ՄԱՐՏԻ, ՆՈՅՅԱՆ ՏԱՊԱՆ: Մարտի 24-ին Հոլանդիա մեկնեց Հայաստանի ֆուտբոլի ազգային հավաքականը` գլխավոր մարզիչ Յան Պոուլսենի գլխավորությամբ: Մարտի 26-ին Ռոտերդամի Պերնիս արվարձանում թիմը ընկերական խաղ կանցկացնի Ղազախստանի ընտրանու հետ: Հանդիպման նախապատրաստական փուլին հրավիրված 25 ֆուտբոլիստից ընտրվել են 18-ը: Սա ղազախների հետ Հայաստանի հավաքականի 4-րդ հանդիպումը կլինի: Մինչ այս Հայաստանի հավաքականի հաշվին գրանցվել է 1 հաղթանակ եւ 2 պարտություն:

---