ԵՐԵՎԱՆ, 6 ՄԱՐՏԻ, ՆՈՅՅԱՆ ՏԱՊԱՆ: Իրանի Յազդ քաղաքում անցկացվեց սուսերամարտի աշխարհի գավաթի խաղարկության երիտասարդական մրցաշարը: Հայաստանի պատվիրակներից ճկասուսերակիրներ Սուսաննա Ղազարյանը գրավեց 5-րդ, իսկ Հայկ Գասպարյանը` 6-րդ տեղը: Խոցասուսերակիրներից Արթուր Կարապետյանը ճանաչվեց 8-րդը, Սպարտակ Հարությունյանը` 11-րդը, իսկ Հակոբ Սարոյանը` 16-րդը: Կանանց մրցաշարում տարիքային սահմանափակում չկար: Հայաստանից վետերան խոցասուսերակիր Օլգա Ջանփոլադյանը գրավեց պատվավոր 3-րդ տեղը:

---