ԼԻՆԱՐԵՍ, 3 ՄԱՐՏԻ, ՆՈՅՅԱՆ ՏԱՊԱՆ: Իսպանիայի Լինարես քաղաքում շարունակվում է շախմատի միջազգային սուպերմրցաշարը: 9-րդ եւ 10-րդ փուլերում Լեւոն Արոնյանը ոչ-ոքի խաղաց Վիշվանաթան Անանդի (Հնդկաստան) եւ Թեյմուր Ռաջաբովի (Ադրբեջան) հետ: 10 փուլից հետո Արոնյանը 5,5 միավորով զբաղեցնում է մրցաշարային աղյուսակի 3-րդ հորիզոնականը: Առաջատարը Վ.Անանդն է` 6,5 միավորով: Նրան հաջորդում է Մագնուս Կառլսենը (Նորվեգիա)` 6 միավորով: Մարտի 2-ին մրցաշարում հանգստի օր էր հայտարարված: Մարտի 3-ին նշանակված են 11-րդ փուլի հանդիպումները: Լ.Արոնյանի մրցակիցն է Վասիլի Իվանչուկը (Ուկրաինա):

---