ԵՎՐՈՊԱՅԻ ՇԱԽՄԱՏԻ ԱԿՈՒՄԲԱՅԻՆ ԱՌԱՋՆՈՒԹՅԱՆ 5-ՐԴ ՓՈՒԼՈՒՄ
ՀԱՅԱՍՏԱՆԻ ԹԻՄԵՐԻՑ ՀԱՂԹԱՆԱԿ ՏՈՆԵՑ ՄԻԱՅՆ «ՖԻՄԱ»-Ն
22-10-2008 15:06:00 | Հունաստան | Սպորտ
ԿԱԼԻԵՏԱ, 22 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հունաստանի Կալիտեա
քաղաքում անցկացվող Եվրոպայի շախմատի ակումբային առաջնությունում
հոկտեմբերի 21-ին կայացան 5-րդ փուլի հանդիպումները:
Կանանց մրցաշարում Հայաստանի «Միկան» 1,5:2,5 հաշվով
պարտություն կրեց Ռուսաստանի «Էկոնոմիստից» եւ 5 միավորով բաժանում
է 9-11-րդ տեղը:
Տղամարդկանց մրցաշարում Հայաստանի «Միկան» 2,5:3,5 հաշվով
զիջեց Գերմանիայի «Բադեն-Բադեն»-ին: «Բանկային արքա»-ն նույն
հաշվով պարտվեց Գերմանիայի մեկ այլ` «Մյուլհեյմ Նորդ», ակումբին:
Իսկ «ՖԻՄԱ»-ն 4,5:1,5 հաշվով առավելության հասավ Իտալիայի
«Մենդրիսիոյի» նկատմամբ:
5 փուլից հետո «Միկան» 8 միավորով բաժանում է 4-11-րդ, իսկ
«Բանկային արքա»-ն եւ «ՖԻՄԱ»-ն` 6-ական միավորով` 15-29-րդ տեղը:
Հոկտեմբերի 22-ին նշանակված են 6-րդ փուլի հանդիպումները: