ԵՎՐՈՊԱՅԻ ՇԱԽՄԱՏԻ ԱԿՈՒՄԲԱՅԻՆ ԱՌԱՋՆՈՒԹՅԱՆ 4-ՐԴ ՓՈՒԼՈՒՄ
ՀԱՅԱՍՏԱՆԻ ԹԻՄԵՐԸ ՀԱՂԹԱՆԱԿՆԵՐ ՏՈՆԵՑԻՆ
21-10-2008 17:02:00 | Հունաստան | Սպորտ
ԿԱԼԻԵՏԱ, 21 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 20-ին
Հունաստանի Կալիտեա քաղաքում Եվրոպայի շախմատի ակումբային
առաջնությունում կայացան 4-րդ փուլի հանդիպումները:
Հայաստանի տղամարդկանց «Միկա» ակումբը 3,5:1,5 հաշվով
առավելության հասավ Ռուսաստանի «Ուրալի», ՖԻՄԱ-ն` 6:0 հաշվով`
Լյուքսեմբուրգի «Գամբիտի», իսկ «Բանկային արքա»-ն 5:1 հաշվով`
Բելգիայի «Էինատենի» նկատմամբ:
Կանանց մրցաշարում Հայաստանի «Միկան» 2,5:1,5 հաշվով հաղթեց
Ռումինիայի «Պոլիտեխնիկա կոդնար»-ին:
Տղամարդկանց առաջնությունում «Միկան» 8 միավորով բաժանում է
1-3-րդ տեղը, «Բանկային արքա»-ն 6 միավորով` 9-րդն է, իսկ ՖԻՄԱ-ն 4
միավորով` 27-րդը:
Կանանց մրցաշարում Հայաստանի «Միկան» 5 միավորով ընթանում է
8-րդ տեղում:
Հոկտեմբերի 21-ին նշանակված են 5-րդ փուլի հանդիպումները: