ԵՐԵՎԱՆ, 3 ՆՈՅԵՄԲԵՐԻ, ՆՈՅՅԱՆ ՏԱՊԱՆ: 2008թ.-ի հունվար-սեպտեմբերին, Հայաստանում, ընթացիկ գներով, թողարկվել է 570 մլրդ 232,2 մլն դրամի (1 մլրդ 864,6 մլն ԱՄՆ դոլար) արդյունաբերական արտադրանք, իրացվել է 562 մլրդ 78,8 մլն դրամի արտադրանք, որից ԱՊՀ երկրներում` 55 մլրդ 379,3 մլն դրամի, այլ երկրներում` 126 մլրդ 131 մլն դրամի արտադրանք: ՀՀ Ազգային վիճակագրական ծառայության տվյալներով, 2007թ.-ի հունվար-սեպտեմբերի նկատմամբ արդյունաբերական արտադրանքի ինդեքսը կազմել է 103,4%, իսկ արդյունաբերական արտադրանքի ինդեքսն առանց էլեկտրաէներգիայի, գազի, ջրի արտադրության եւ բաշխման` 101,8%: 2008թ.-ի հունվար-սեպտեմբերին իրացվել է թողարկված արտադրանքի ծավալի 98,6%-ը:

---