ԱՄՆ-Ը ՖԻՆԱՆՍԱԿԱՆ ՊԱՏԺԱՄԻՋՈՑՆԵՐ Է ՍԱՀՄԱՆԵԼ ԶԻՄԲԱԲՎԵԻ ԴԵՄ
22-08-2008 18:15:00 | ԱՄՆ | Միջազգային
ՎԱՇԻՆԳՏՈՆ, 22 ՕԳՈՍՏՈՍԻ, ՆՈՅՅԱՆ ՏԱՊԱՆ: Միացյալ Նահանգները
գործի են դրել առաջին ֆինանսատնտեսական պատժամիջոցները Զիմբաբվեի
դեմ: Այսօրվանից Զիմբաբվեի բանկերը կորցրել են իրենց հաճախորդներին
American Express-ի ճանապարհային չեկեր տրամադրելու
հնարավորությունը: Բանկային տոմսերի այս տեսակը լայնորեն
շրջանառվում է Աֆրիկայում, հաղորդում է «Ֆայնենշլ թայմսը»:
Ինչպես ընդգծում է պարբերականը, ԱՄՆ-ի ֆինանսական
իշխանությունների այս քայլը իրենից ներկայացնում է «պատժի եղանակ»,
որը վերաբերում է բոլոր զիմբաբվեցիներին, այլ ոչ թե միայն պետական
պաշտոնյաներին:
Միաժամանակ ԱՄՆ-ը եւ Մեծ Բրիտանիան դադարեցրել են
աջակցությունը Զիմբաբվեի պետական խոշորագույն բանկերից մեկի` ZB
Bank-ի թղթակցային հաշիվներին: