ՄՈՍԿՎԱ, 21 ՀՈՒԼԻՍԻ, ՆՈՅՅԱՆ ՏԱՊԱՆ: Հաշվի առնելով Մոսկվայի կառույցների պատրաստության մակարդակը, ենթակառուցվածքի զարգացածությունը եւ «Եվրատեսիլ-2009» մրցույթի անցկացման ծախսերը նվազագույնի հասցնելու հնարավորությունը, այդ խոշոր միջոցառումը կանցկացվի Մոսկվայում: Այս մասին, ինչպես հաղորդում է ԻՏԱՌ-ՏԱՍՍ-ը, ՌԴ կառավարության նախագահության նիստում հայտարարել է վարչապետ Վլադիմիր Պուտինը: Նա հանձնարարել է փոխվարչապետ Ալեքսանդր Ժուկովին ներկայացնել այդ միջոցառմանը նախապատրաստվելու ծրագիր:

---