ՄՈՆՂՈԼԱԿԱՆ ԸՆԴԴԻՄՈՒԹՅԱՆ ԱՌԱՋՆՈՐԴԸ ՀԱՑԱԴՈՒԼ Է ՀԱՅՏԱՐԱՐԵԼ
11-07-2008 16:58:00 | Մոնղոլիա | Միջազգային
ՈՒԼԱՆ-ԲԱՏՈՐ, 11 ՀՈՒԼԻՍԻ, ՆՈՅՅԱՆ ՏԱՊԱՆ: Քննչական
մեկուսարանում գտնվող Մոնղոլական «Քաղաքացիական շարժում»
ընդդիմադիր կուսակցության առաջնորդ Բատզանդանը հացադուլ է
հայտարարել: Ուլան-Բատորում անկարգությունների կազմակերպման
մեղադրանքով նրան սպառնում է մահապատիժ կամ մինչեւ 25 տարվա
բանտարկություն:
Բատզանդանը ձերբակալվել է մեկ շաբաթ առաջ Պետական քննչական
վարչությունում, որտեղ նա ներկայացել էր ծանուցագրով «վերջերս տեղի
ունեցած զանգվածային անկարգությունների առնչությամբ ցուցմունքներ
տալու համար»:
Բատզանդանը եւ նրա տեղակալ Մագնայը Մոնղոլիայի խորհրդարանական
ընտերություններից հետո հայտարարել էին ընտրությունների
արդյունքների «կեղծման» մասին: Ընտրություններում հաղթել էր
կառավարող Մոնղոլական ժողովրդա-հեղափոխական կուսակցությունը: