ՕԲԱՄԱՆ ԽՈՍՏԱՆՈՒՄ Է ԱՄԵՐԻԿՅԱՆ ԶՈՐՔԵՐԸ ԴՈՒՐՍ ԲԵՐԵԼ ԻՐԱՔԻՑ
04-07-2008 17:31:00 | ԱՄՆ | Միջազգային
ՎԱՇԻՆԳՏՈՆ, 4 ՀՈՒԼԻՍԻ, ՆՈՅՅԱՆ ՏԱՊԱՆ: Դեմոկրատական
կուսակցությունից ԱՄՆ-ի նախագահի պաշտոնին հավակնող թեկնածուներից
Բարաք Օբաման խոստանում է նախագահ ընտրվելու դեպքում Իրաքից դուրս
բերել ամերիկյան զորքերը:
«Մենք զինվորականների առջեւ նոր խնդիր կդնենք` ավարտել
պատերազմը արժանապատվորեն եւ վճռականորեն»,- ասել է նա Իրաք
ուղեւորվելու նախօրեին լրագրողների հետ հանդիպման ժամանակ:
Ինչպես գրում է «Նյու Յորք թայմս» թերթը, Օբամայի գլխավոր
հակառակորդ, հանրապետական կուսակցությունից նախագահի թեկնածու Ջոն
Մակքեյնը վստահ է, որ դեմոկրատը կվերանայի իր քաղաքականությունը
զորքերը դուրս բերելու առումով, քանի որ ԱՄՆ-ը պետք է
կայունություն ապահովի Իրաքում: