ԵԱՀԿ ԽՎ-Ն ՃԱՆԱՉԵԼ Է «ԳՈԼՈԴՈՄՈՐԻ» ՓԱՍՏԸ ՈՒԿՐԱԻՆԱՅՈՒՄ
03-07-2008 15:53:00 | Ղազախստան | Միջազգային
ԱՍՏԱՆԱ, 3 ՀՈՒԼԻՍԻ, ՆՈՅՅԱՆ ՏԱՊԱՆ: ԵԱՀԿ Խորհրդարանական
վեհաժողովը «վճռականորեն առաջարկում է բոլոր խորհրդարանականներին
միջոցներ ձեռնարկել Ուկրաինայում գոլոդոմորի փաստի ճանաչման
համար»: Այս մասին ասվում է ԵԱՀԿ ԽՎ-ի 17-րդ նստաշրջանի լիագումար
նիստում ընդունված բանաձեւում:
«ԵԱՀԿ ԽՎ-ն հիշատակի տուրք է մատուցում միլիոնավոր անմեղ այն
ուկրաինացիներին, որոնք զոհվեցին 1932-1933 թվականների գոլոդոմորի
ժամանակ զանգվածային սովի հետեւանքով, որ արդյունք էր ստալինյան
ամբողջատիրական վարչակարգի կանխամտածված գործողությունների եւ
քաղաքականության»,- ասվում է փաստաթղթում:
ԽՎ-ն պաշտպանում է Ուկրաինայի նախաձեռնությունը` «բացահայտել
ուկրաինական ժողովրդի այդ ողբերգության ողջ ճշմարտությունը,
մասնավորապես միջազգային եւ ազգային մակարդակներով լուսաբանման
աշխատանք կատարելու ուղիով»: