ԼԵՀԱՍՏԱՆԻՆ ԱՌԱՅԺՄ ՁԵՌՔ ՉԵՆ ՏԱԼԻՍ ԱՄՆ-Ի ՀՀՊ-ԻՆ ԱՌՆՉՎՈՂ
ԱՌԱՋԱՐԿՆԵՐԸ
13-05-2008 18:28:00 | Լեհաստան | Միջազգային
ՎԱՐՇԱՎԱ, 13 ՄԱՅԻՍԻ, ՆՈՅՅԱՆ ՏԱՊԱՆ: ՀՀՊ հարցում ամերիկյան
առաջարկները Վարշավային առայժմ ձեռք չեն տալիս: Այս մասին, ինչպես
հաղորդում է ԻՏԱՌ-ՏԱՍՍ-ը, հայտարարել է Լեհաստանի վարչապետ Դոնալդ
Տուսկը:
«Եթե կլինեն լեհական զորքի համար շահեկան պայմաններ,
Լեհաստանում կլինի ՀՀՊ, հակառակ դեպքում չի հաջողվի
պայմանավորվածությունների հասնել Լեհաստանում ամերիկյան կալանիչ
հրթիռների տեղակայման վերաբերյալ»,- ասել է Տուսկը:
«Գազետա վիբորչա» լեհական թերթն իր հերթին գրում է, որ եթե
Վարշավան եւ Վաշինգտոնը չկարողանան մինչեւ հուլիսի կեսը
համաձայնության գալ, ԱՄՆ-ը կսկսի այլ վայր փնտրել իր բազաների
տեղակայման համար: