ՎԱՇԻՆԳՏՈՆ, 25 ՄԱՐՏԻ, ՆՈՅՅԱՆ ՏԱՊԱՆ: ԱՄՆ-ի միջուկային զինանոցը ընթացիկ տարվա հունվարի դրությամբ հաշվում է մոտ 5,4 հազար մարտագլխիկ: Ինչպես նշում են փորձագետները, անցած տարվա դեկտեմբերին Բուշը հրաման տվեց մինչեւ 2012 թվականը եւս 15%-ով նվազեցնել զինանոցը եւ այդ ժամանակ ԱՄՆ-ին կմնա գրեթե 4,5 հազար մարտագլխիկ: Այս գնահատականով են Bulletin of Atomic Scientist հանդեսում հանդես եկել Ամերիկացի գիտնականների ֆեդերացիայի աշխատակից Հանս Քրիստենսենը եւ Բնական պաշարների պաշտպանության խորհրդից իր գործընկեր Ռոբերտ Նորիսը: Նրանց տվյալներով, Պենտագոնը տնօրինում է մոտավորապես 4075 օպերատիվորեն տեղակայված մարտագլխիկներ, որոնցից 500-ը` մարտավարական: Եվս 1460 մարտալիցք համարվում է պահեստային: Մոտ 5515 մարտագլխիկներ, նախագահ Բուշի 2004 թվականի հրամանի համաձայն, վերացված են կամ սպասում են ապամոնտաժման:

---