ՎԱՇԻՆԳՏՈՆ, 25 ՄԱՐՏԻ, ՆՈՅԵԱՆ ՏԱՊԱՆ: ԱՄՆ-ի միջուկային
զինանոցը ընթացիկ տարուայ յունվարի դրութեամբ հաշւում է մօտ 5,4
հազար մարտագլխիկ: Ինչպէս նշում են փորձագետները, անցած տարուայ
դեկտեմբերին Բուշը հրաման տվեց մինչեւ 2012 թուվականը եւս 15%-ով
նուազեցնել զինանոցը եւ այդ ժամանակ ԱՄՆ-ին կմնայ գրեթէ 4,5 հազար
մարտագլխիկ: Այս գնահատականով են Bulletin of Atomic Scientist
հանդէսում հանդէս եկել Ամերիկացի գիտնականների ֆեդերացիայի
աշխատակից Հանս Քրիստենսենը եւ Բնական պաշարների պաշտպանութեան
խորհրդից իր գործընկեր Ռոբերտ Նորիսը:
Նրանց տուեալներով, Պենտագոնը տնօրինում է մօտաւորապէես 4075
օպերատիվորեն տեղակայուած մարտագլխիկներ, որոնցից 500-ը`
մարտավարական: Եվս 1460 մարտալիցք համարւում է պահեստային: Մօտ
5515 մարտագլխիկներ, նախագահ Բուշի 2004 թուականի հրամանի համաձայն,
վերացուած են կամ սպասում են ապամոնտաժման: