ՎԱԽՃԱՆՎԵԼ Է ԱՐՏԱՍԱՀՄԱՆԻ ՌՈՒՍ ՈՒՂՂԱՓԱՌ ԵԿԵՂԵՑՈՒ ԱՌԱՋՆՈՐԴ
ՄԻՏՐՈՊՈԼԻՏ ԼԱՎՐԸ
17-03-2008 15:55:00 | Ռուսաստան | Միջազգային
ՄՈՍԿՎԱ, 17 ՄԱՐՏԻ, ՆՈՅՅԱՆ ՏԱՊԱՆ: Ջորդավիլլում (Նյու Ջերսիի
նահանգ) 81 տարեկան հասակում վախճանվել է արտասահմանի Ռուս
ուղղափառ եկեղեցու առաջնորդ Արեւելյան Ամերիկայի եւ Նյու Յորքի
միտրոպոլիտ Լավրը:
Նրա անվան հետ է կապված Ռուս ուղղափառ եկեղեցու միասնության
վերականգնումը: 2007 թվականի մայիսի 17-ին Համայն Ռուսիո եւ
Մոսկվայի պատրիարք Ալեքսի Երկրորդի հետ միասին ստորագրել է
Կանոնական հաղորդակցման ակտը, որով վերջ դրվեց Ռուս եկեղեցու
մասնատվածությանը:
Արտասահմանի Ռուս ուղղափառ եկեղեցու առաջնորդի մահվան
կապակցությամբ ցավակցություն է հայտնել Մոսկվայի եւ Համայն Ռուսիո
պատրիարքը, ինչպես նաեւ ՌԴ նախագահ Վլադիմիր Պուտինը: