ՊԵՏԴԵՊԸ ՀՐԱՊԱՐԱԿԵԼ Է ԱՅՆ ԵՐԿՐՆԵՐԻ ՑԱՆԿԸ, ՈՐՏԵՂ, ԱՄՆ-Ի
ԿԱՐԾԻՔՈՎ, ԽԱԽՏՎՈՒՄ ԵՆ ՄԱՐԴՈՒ ԻՐԱՎՈՒՆՔՆԵՐԸ
12-03-2008 17:56:00 | ԱՄՆ | Միջազգային
ՎԱՇԻՆԳՏՈՆ, 12 ՄԱՐՏԻ, ՆՈՅՅԱՆ ՏԱՊԱՆ: Բելոռուսիան, Զիմբաբվեն,
Իրանը, ԿԺԴՀ-ն, Կուբան, Մյանման, Սիրիան, Սուդանը, Ուզբեկստանը եւ
Էրիթրեան ԱՄՆ-ի իշխանությունների կողմից դասվել են այն երկրների
շարքը, որտեղ ամենալուրջ ձեւով խախտվում են մարդու իրավունքները:
Պետությունների նշված ցանկը պարունակվում է մարտի 11-ին
հրապարակված աշխարհում անցած տարի մարդու իրավունքների պահպանման
մասին հերթական զեկույցում, որ պատրաստել է ԱՄՆ-ի պետդեպարտամենտը,
հաղորդում է ԻՏԱՌ-ՏԱՍՍ-ը:
Ռուսաստանը փաստաթղթում քննադատության է ենթարկվել Չինաստանի,
Պակիստանի եւ մի քանի այլ պետությունների հետ միասին: Ինչպես
պնդում է ԱՄՆ-ի արտաքին քաղաքական գերատեսչությունը, «Ռուսաստանում
գործադիր իշխանության, դյուրաթեք Դումայի ձեռքերում
լիազորությունների կենտրոնացման, կոռուպցիայի եւ օրենքը կատարելիս
ընտրողականության պատճառով շարունակում է ողողահարվել
կառավարության պատասխանատվությունը բնակչության հանդեպ»: