ԹԵԼ ԱՎԻՎ, 12 ՄԱՐՏԻ, ՆՈՅՅԱՆ ՏԱՊԱՆ: Իսրայելի իշխանությունները
մտադիր են բոյկոտ հայտարարել «Ալ-Ջազիրա» արաբալեզու արբանյակային
հեռուստաալիքին ի նշան բողոքի այն բանի դեմ, թե ինչպես է նա
լուսաբանում պաղեստինա-իսրայելական հակամարտությունը: Այս մասին
հաղորդում է «Նովոստի» գործակալությունը` վկայակոչելով «Գալեյ
Ցախալ» ռադիոկայանը:
Իսրայելի ԱԳՆ-ն, ըստ ռադիոկայանի տեղեկությունների, առաջիկա
օրերին պաշտոնական ծանուցում կհղի Քաթարի ղեկավարությանը, որտեղ
տեղակայված է «Ալ-Ջազիրայի» կենտրոնակայանը: Հաղորդման մեջ չի
ճշտվում, թե հատկապես ինչ միջոցառումներ է ենթադրում
հեռուստակայանի բոյկոտումը, որն ազատորեն հեռարձակում է Իսրայելի
տարածքում:
Ավելի վաղ «Ջերուսալեմ պոստ» թերթը հաղորդել էր, որ Իսրայելի
ԱԳՆ աշխատակիցները հրաժարվում են «Ալ-Ջազիրայի» լրագրողների հետ
շփվելուց, որն իր ռեպորտաժներում քննադատում է հրեական պետության
քաղաքականությունը պաղեստինյան տարածքներում: