ՎԱՇԻՆԳՏՈՆ, 28 ՓԵՏՐՎԱՐԻ, ՆՈՅՅԱՆ ՏԱՊԱՆ: ԱՄՆ-ի պետքարտուղար Կոնդոլիզա Ռայսը հաջորդ շաբաթվա սկզբին այցով կժամանի Մերձավոր Արեւելք, որպեսզի նպաստի Իսրայելի եւ Պաղեստինի ինքնավարության միջեւ բանակցությունների անցկացմանը, ինչը վերջին ժամանակներս բարդացել է Գազայի հատվածում լարված իրադրության պատճառով, հաղորդում է «Նովոստի»-ին` վկայակոչելով Reuters գործակալությանը: Պետդեպարտամենտի ներկայացուցիչ Թոմ Քեյսին չորեքշաբթի հայտարարել է, որ Կոնդոլիզա Ռայսը մերձավորարեւելյան տարածաշրջան կժամանի մարտի 3-ին, որտեղ կհանդիպի Իսրայելի վարչապետ Էհուդ Օլմերտի եւ ՊԱԻ-ի նախագահ Մահմուդ Աբբասի հետ: «Այս այցը այն պայմանավորվածությունների մասն է, որ մշակվել էին Աննապոլիսի հանդիպմանը»,- նկատել է Քեյսին:

---