ԼԻՄԱ, 26 ՓԵՏՐՎԱՐԻ, ՆՈՅՅԱՆ ՏԱՊԱՆ: Պերուում հայտնաբերվել է մոտավորապես 5,5 հազար տարի առաջ կառուցված պալատ, հաղորդում է ԻՏԱՌ-ՏԱՍՍ-ը վկայակոչելով տեղական ԶԼՄ-ներ: Պալատը գտնվում է Լիմայից 400 կմ դեպի հյուսիս, Անկաշ դեպարտամենտի Սեչան Բախո հնագիտական համալիրում, որտեղ պեղումներ են կատարում Պերուի եւ Գերմանիայի գիտնականները: Պալատական կառույցը (180 մետր երկարությամբ եւ 120 մետր լայնությամբ) կառուցվել է մեր թվարկությունից առաջ 3000 եւ 3500 թվականների միջեւ: Անգին գտածոն վկայում է Պերուում քաղաքակրթության գոյության մասին, որը զարգացմամբ համադրելի է նույն ժամանակաշրջանի Հարավային Ասիայի կամ Միջին Արեւելքի հետ:

---