ԵՐԵՎԱՆ, 13 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 14-28-ին
Հայաստանի չեմպիոն Երեւանի «Փյունիկը» ուսումնամարզական հավաք
կանցկացնի Սոչիում: Մարզումներին զուգահեռ ակումբի ֆուտբոլիստները
կանցկացնեն ստուգողական երեք հանդիպումներ: Թե ովքեր են լինելու
մրցակիցները, առայժմ հայտնի չէ: «Փյունիկի» գլխավոր մարզիչ Արմեն
Գյուլբուդաղյանցը թիմին կմիանա մի քանի օր ուշացումով, քանի որ նա
Մոսկվայում մասնակցում է մարզչական դասընթացների: Հաջող քննություն
հանձնելու պարագայում Գյուլբուդաղյանցին կտրվի «Պրո» արտոնագիր,
որն իրավունք կտա նրան աշխատելու եվրոպական պրոֆեսիոնալ թիմերում: