ԹԵՀՐԱՆ, 12 ՓԵՏՐՎԱՐԻ, ՆՈՅՅԱՆ ՏԱՊԱՆ: Իրանի մայրաքաղաք Թեհրանում «Արեւածագի 10 օր» մրցաշարի ծրագրով անցկացվեց բադմինթոնի միջազգային ավանդական մրցաշարը: 21 երկրների պատվիրակների թվում էին Հայաստանի 3-ական մարզիկ-մարզուհիներ: Մենախաղերում իր հաշվին 1 հաղթանակ տոնեց միայն Հայկ Միսակյանը, որն այնուհետեւ պարտվեց եւ դուրս մնաց պայքարից: Կանանց զուգախաղերում Աննա Նազարյանը Ելիզավետա Յակովլեւայի ընկերակցությամբ երկու հաղթանակ տոնեց եւ բաժանեց 5-8-րդ տեղերը: Հայկ Միսակյանը եւ Աննա Նազարյանը նախապատրաստվում են Դանիայի Հերնինգ քաղաքում ապրիլի 16-ին մեկնարկելիք Եվրոպայի առաջնությանը: Մրցուղերթը հովանավորելու է բուլղարահայ Բյուզանդ Կասաբյանը:

---