ԻՍՐԱՅԵԼԻ ՊԱՇՏՊԱՆՈՒԹՅԱՆ ՆԱԽԱՐԱՐԸ ՀՐԱՄԱՅԵԼ Է ՊԱՏՐԱՍՏՎԵԼ
ԼԱՅՆԱՄԱՍՇՏԱԲ ԳՈՐԾՈՂՈՒԹՅԱՆ ԳԱԶԱՅԻ ՀԱՏՎԱԾՈՒՄ
11-02-2008 18:52:00 | Իսրայել | Միջազգային
ԹԵԼ ԱՎԻՎ, 11 ՓԵՏՐՎԱՐԻ, ՆՈՅՅԱՆ ՏԱՊԱՆ: Իսրայելի պաշտպանության
նախարար Էհուդ Բարաքը բանակին հրամայել է պատրաստվել լայնամասշտաբ
գործողության Գազայի հատվածում, երկրի հարավային շրջանների
հրթիռակոծություններին վերջ դնելու համար: Այս մասին նա հայտարարել
է արտաքին քաղաքականության եւ պաշտպանության հարցերի
խորհրդարանական հանձնաժողովի նիստում:
«Բանակը պատրաստ է լայնածավալ գործողության` կշռադատելով
բոլոր տարբերակներն ու սցենարները»,- ասել է նա: Բարաքը նաեւ
հայտնել է, որ անվտանգության ուժերն արդեն հիմա «շուրջօրյա
գործողություններ են իրականացնում եւ նույնիսկ ընդլայնելու են
իրենց գործողությունները»: Նրա տվյալներով, միայն վերջին օրերին
պաղեստինյան անկլավում ոչնչացվել են 60-ից ավելի ծայրահեղականներ,
իսկ վերջին 4 ամիսներին` մոտ 200 գրոհայիններ: