ՅԱԱՊ ԴԵ ՀՈՈՊ ՍԽԵՖԵՐ. ՆԱՏՕ-Ն ՊԱՏՐԱՍՏՎՈՒՄ Է ԿՈՍՈՎՈՅՈՒՄ ՄԵԾ
ՓՈՓՈԽՈՒԹՅՈՒՆՆԵՐԻ
08-02-2008 17:50:00 | Լիտվա | Միջազգային
ՎԻԼՆՅՈՒՍ, 8 ՓԵՏՐՎԱՐԻ, ՆՈՅՅԱՆ ՏԱՊԱՆ: ՆԱՏՕ-ն պետք է ապահովի
անվտանգությունը Կոսովոյում, անկախ նրանից, թե ինչպես կլուծվի նրա
ճակատագիրը: Այս մասին, ինչպես հաղորդում է «Նովոստի»
գործակալությունը, Վիլնյուսում հայտարարել է ՆԱՏՕ-ի գլխավոր
քարտուղար Յաապ դե Հոոպ Սխեֆերը:
«Կոսովոյին մեծ փոփոխություններ են սպասում, եւ մենք պետք է
ուժեղացնենք մեր դիրքերն այնտեղ... ՆԱՏՕ-ն չի ցանկանում հիմնական
դեր խաղալ Կոսովոյում, բայց այսօր մենք պետք է ապահովենք
անվտանգությունը: Պետք է պաշտպանենք ե'ւ մեծամասնությանը, ե'ւ
փոքրամասնությանը: Պետք է ամրացնենք մեր ուժերը Կոսովոյում»,- ասել
է նա` ավելացնելով, որ ՆԱՏՕ-ն պարտավոր է վճռականորեն գործել բոլոր
նրանց դեմ, ովքեր կփորձեն խախտել կայունությունն այդ
տարածաշրջանում: