ՂՐՂԶՍՏԱՆԸ ԻՐ ՔԱՂԱՔԱՑԻՆԵՐԻ ՍՊԱՆՈՒԹՅՈՒՆՆԵՐԻ ԱՌՆՉՈՒԹՅԱՄԲ ՆՈՏԱ
Է ՀՂԵԼ ՌՈՒՍԱՍՏԱՆԻՆ
04-02-2008 17:43:00 | Ռուսաստան | Միջազգային
ՄՈՍԿՎԱ, 4 ՓԵՏՐՎԱՐԻ, ՆՈՅՅԱՆ ՏԱՊԱՆ: Ռուսաստանում Ղրղզստանի
դեսպանությունը Ռուսաստանում Ղրղզստանի քաղաքացիների
սպանությունների առնչությամբ նոտա է հղել ՌԴ ԱԳՆ եւ ուղերձներ` ՌԴ
ՆԳՆ եւ Գլխավոր դատախազություն:
Ըստ Ռուսաստանում Ղրղզստանի դիվանագիտական ներկայացուցչության
տվյալների, վերջին մեկ ամսվա ընթացքում ՌԴ տարածքում կատարվել է
ղրղզ քաղաքացիների չորս սպանություն:
Նոտայում «լուրջ մտահոգություն եւ խոր ափսոսանք է
արտահայտվում հանրապետության քաղաքացիների եւ ամբողջությամբ
վերցրած արտասահմանցիների նկատմամբ նման հանցագործությունների թվի
մեծացման կապակցությամբ»:
Դիվանագիտական գերատեսչությունը դիմել է ռուսական կողմին
«ազգային անհանդուրժողականության հողի վրա կատարված այդ սարսափելի
հանցագործությունների շտապ բացահայտման» եւ բոլոր մեղավորներին
խստորեն պատժելու խնդրանքով: