ՂՐՂԶՍՏԱՆԸ ԻՐ ՔԱՂԱՔԱՑԻՆԵՐԻ ՍՊԱՆՈՒԹԻՒՆՆԵՐԻ ԱՌՆՉՈՒԹԵԱՄԲ ՆՈՏԱ
Է ՅՂԵԼ ՌՈՒՍԱՍՏԱՆԻՆ
04-02-2008 17:43:00 | Ռուսաստան | Միջազգային
ՄՈՍԿՈՒԱ, 4 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Ռուսաստանում Ղրղզստանի
դեսպանութիւնը Ռուսաստանում Ղրղզստանի քաղաքացիների
սպանութիւնների առնչութեամբ նոտա է յղել ՌԴ ԱԳՆ եւ ուղերձներ` ՌԴ
ՆԳՆ եւ Գլխաւոր դատախազութիւն:
Ըստ Ռուսաստանում Ղրղզստանի դիւանագիտական ներկայացուցչութեան
տուեալների, վերջին մէկ ամսուայ ընթացքում ՌԴ տարածքում կատարուել է
ղրղզ քաղաքացիների չորս սպանութիւն:
Նոտայում «լուրջ մտահոգութիվւն եւ խոր ափսոսանք է
արտայայտւում հանրապետութեան քաղաքացիների եւ ամբողջութեամբ
վերցրած արտասահմանցիների նկատմամբ նման հանցագործությունների թուի
մեծացման կապակցութեամբ»:
Դիւանագիտական գերատեսչութիւնը դիմել է ռուսական կողմին
«ազգային անհանդուրժողականության հողի վրայ կատարուված այդ սարսափելի
հանցագործությունների շտապ բացայայտման» եւ բոլոր մեղաւորներին
խստօրէն պատժելու խնդրանքով:
ԴԱՍ. ՀԱՅԵՐԵՆ 
Հայերեն
Русский
English
French