ՌՈՒՍԱՍՏԱՆՑԻՆ ԲՐԻՏԱՆԻԱՅՈՒՄ ԾՆՆԴԱԲԵՐԵԼ Է ՄԻԱՆԳԱՄԻՑ ՀԻՆԳ ԱՂՋԻԿ
15-11-2007 20:26:00 | | Միջազգային
ԼՈՆԴՈՆ, 15 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Ռուսաստանցին Մեծ
Բրիտանիայում ծննդաբերել է միանգամից հինգ աղջիկ: Ծննդաբերությունը
տեղի է ունեցել շաբաթ օրը Օքսֆորդի Ջոն Ռեդքլիֆֆի հիվանդանոցում,
հաղորդում է ԻՏԱՌ-ՏԱՍՍ-ը:
Երաժշտության 29-ամյա ուսուցչուհին, որի անունը չի նշվում,
ամուսնու հետ Մեծ Բրիտանիա է ժամանել ռուս բժիշկների խորհրդով:
Բրիտանացի բժիշկները առաջարկում էին հեռացնել պտուղներից մի
քանիսը, որպեսզի մեծացնեն մնացածների ապրելու շանսերը, սակայն այդ
տարբերակից ռուս կինը հրաժարվել է կրոնական նկատառումներով:
Երեխաները լույս աշխարհ են եկել կեսարյան հատման միջոցով: Նրանց
քաշը կազմում է 800-960 գրամ: