ԲԵՅՐՈՒԹ, 14 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Լիբանանի նախկին վարչապետ Ռաֆիկ Հարիրիի մահվան հանգամանքները հետաքննող ՄԱԿ-ի անկախ հանձնաժողովի ղեկավարը թողնում է իր պաշտոնը: Ինչպես նոյեմբերի 14-ին տեղեկացրել են Բեյրութի ՄԱԿ-ի առաքելությունում, բելգիացի դատախազ Սերժ Բրամմերցը, որը 2006 թվականի հունվարից զբաղվում է Լիբանանի քաղաքական հանցագործությունների բացահայտմամբ, հրաժարվել է երկարացնել պայմանագիրը: Սերժ Բրամերցին կփոխարինի կանադացի 55-ամյա փորձառու դատախազ Դանիել Բելմարը, որը միջազգային իրավաբանական շրջանակներում հայտնի է որպես Դատախազների համաշխարհային լիգայի ստեղծման նախաձեռնող: Երկար ժամանակ նա զբաղեցրել է Կանադայի գլխավոր դատախազի քրեական գործերի գծով տեղակալի պաշտոնը: Ամենայն հավանականությամբ հենց Բելմարն էլ կղեկավարի «Հարիրիի գործով» տրիբունալի աշխատանքը:

---