ՏՈՒԼԱՅԻ ՄԱՐԶՈՒՄ ԾԵՐԱՆՈՑԻ ՀՐԴԵՀԻ ԺԱՄԱՆԱԿ 29 ՄԱՐԴ Է ԶՈՀՎԵԼ
05-11-2007 18:07:00 | Ռուսաստան | Միջազգային
ՄՈՍԿՎԱ, 5 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Տուլայի մարզում ծերանոցի
հրդեհի զոհերի թիվը հասել է 29 մարդու, հաղորդում է «Նովոստի»
գործակալությունը:
Հրդեհը Տուլայից 30 կիլոմետր դեպի հարավ-արեւմուտք գտնվող
Վելիե-Նիկոլսկոյե ավանի ծերանոցում բռնկել էր կիրակի օրը: Կրակի
տարածման մակերեսը հասել է 1,7 հազար քառակուսի մետրի:
Ծերանոցի հրդեհի փաստի առթիվ քրեական գործ է հարուցվել ՔՕ
219-րդ հոդվածի 3-րդ մասով` հրշեջ անվտանգության կանոնների խախտում
դրանց պահպանման համար պատասխանատու անձի կողմից, որը
անզգուշության հետեւանքով երկու կամ ավելի մարդկանց մահվան պատճառ
է դարձել: Դեպքի վայրում աշխատում է քննչական խումբը: