ՄՈՍԿՎԱ, 1 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ՌԴ ԱԳՆ ղեկավար Սերգեյ Լավրովը եւ ԱՄՆ-ի պետքարտուղար Կոնդոլիզա Ռայսը հեռախոսով քննարկել են իրանյան միջուկային ծրագրի շուրջ իրադրության կարգավորման հարցերը, ասվում է ՌԴ ԱԳՆ մամուլի եւ տեղեկատվության դեպարտամենտի հաղորդման մեջ: «Նախարարները քննարկել են իրանյան միջուկային խնդրի կարգավորման դիվանագիտական գործընթացի շուրջ առկա իրավիճակը»,- հայտնել են ՌԴ ԱԳՆ-ում: Ինչպես հաղորդում է «Նովոստի» գործակալությունը, հոկտեմբերի 31-ին կայացած հեռախոսազրույցի ընթացքում շոշափվել են նաեւ բոսնիական խնդիրները եւ մերձավորարեւելյան կարգավորմանն ուղղված միջազգային հանդիպման նախապատրաստման հարցերը:

---