ԲՈՒԴԱՊԵՇՏՈՒՄ ԱՆԿԱՐԳՈՒԹՅՈՒՆՆԵՐԻ ԺԱՄԱՆԱԿ ՏՈՒԺԵԼ Է ՀԻՆԳ ՄԱՐԴ
23-10-2007 16:00:00 | Հունգարիա | Միջազգային
ԲՈՒԴԱՊԵՇՏ, 23 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հինգ մարդ է տուժել
Հունգարիայի մայրաքաղաքում կառավարության ուղեգծի դեմ արտահայտվող
ցուցարարների եւ ոստիկանության բախումների ժամանակ, հաղորդում է
«Routers» գործակալությունը:
Ազգային օպերայի շենքի մոտ հանրահավաքում, որ նվիրված էր
Հունգարիայում խորհրդային իշխանության դեմ 1956 թվականի
ապստամբության հերթական տարելիցին, ելույթ է ունեցել Հունգարիայի
վարչապետ Ֆերենց Դյուրչանը:
Նրա ելույթի ժամանակ ցուցարարները սկսել են մղվել դեպի
օպերայի շենքը եւ ոստիկանների վրա նետել դյուրավառ խառնուրդով
շշեր: Ի պատասխան, կարգի պահապանները գործի են դրել ջրցաններ եւ
արցունքաբեր գազ:
Հունգարական լրատվամիջոցների տեղեկատվության համաձայն,
տուժածներից երեքը լրագրողներ են, որոնք թեթեւ վնասվածքներ են
ստացել: