ԻՐԱՆԻ ՄԻՋՈՒԿԱՅԻՆ ԾՐԱԳԻՐԸ ԿԱՐՈՂ Է ՀԱՆԳԵՑՆԵԼ ՀԱՄԱՇԽԱՐՀԱՅԻՆ
ՊԱՏԵՐԱԶՄԻ,- ՀԱՅՏԱՐԱՐՈՒՄ Է ՋՈՐՋ ԲՈՒՇԸ
18-10-2007 17:40:00 | ԱՄՆ | Միջազգային
ՎԱՇԻՆԳՏՈՆ, 18 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: ԱՄՆ-ի նախագահ Ջորջ
Բուշը նախազգուշացնում է, որ Իրանի կողմից միջուկային զենքի ձեռք
բերումը կարող է հանգեցնել երրորդ համաշխարհային պատերազմի:
«Իրանում մենք ունենք առաջնորդ, որը հայտարարել է, որ ուզում
է ոչնչացնել Իսրայելը: Ես մարդկանց հայտնել եմ, որ եթե դուք
շահագրգռված եք, որպեսզի խուսափեք երրորդ համաշխարհային
պատերազմից, դուք պետք է շահագրգռված լինեք թույլ չտալու, որպեսզի
նրանք` իրանցիները գիտելիքներ ստանան, որոնք անհրաժեշտ են
միջուկային զենքի ստեղծման համար»,- հոկտեմբերի 17-ին Սպիտակ տանը
մամլո ասուլիսում հայտարարել է Ջորջ Բուշը: «Ես շատ լրջորեն եմ
ընդունում միջուկային զենքի հետ կապված Իրանի սպառնալիքը»,-
ընդգծել է ԱՄՆ-ի նախագահը:
Ըստ ԱՄՆ-ի Սենատի քարտուղարության տվյալների, երեքշաբթի
Սենատի արտաքին հարաբերությունների հանձնաժողովի փակ նիստը նվիրված
է եղել անվտանգության հարցերին Պարսից ծոցի շրջանում, իսկ
հոկտեմբերի 18-ին Իրանին նվիրված փակ նիստ կկայանա ԱՄՆ-ի
Ներկայացուցիչների պալատի հետախուզության հանձնաժողովում: