ՆՅՈՒ ՅՈՐՔ, 4 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Կոսովոյի ապագա կարգավիճակի հարցի լուծման գործընթացի հետագա ձգձգումը սպառնալիքի տակ է դնում 1999 թվականի հունիսից ի վեր ընկած ժամանակահատվածում ՄԱԿ-ի բոլոր ձեռքբերումները երկրամասում: Այս կարծիքին է հայտնել ՄԱԿ-ի գլխավոր քարտուղար Պան Գի Մունը: Հոկտեմբերի 3-ին ՄԱԿ-ի Անվտանգության խորհրդին իր ներկայացրած զեկույցում Պան Գի Մունը բանակցություններին մասնակից կողմերին կոչ է անում «կոնկրետ եւ իրատեսական առաջարկություններ անել» ներկայումս տեղի ունեցող բանակցությունների ընթացքում: «ՄԱԿ-ը լուրջ է վերաբերվում այդ բանակցություններին եւ սպասում է, որ կողմերը եւ «եռյակը» (Ռուսաստան, ԱՄՆ եւ ԵՄ) իրենցից կախված ամեն ինչ կանեն համաձայնության հասնելու համար, որը կկարողանար արժանանալ Անտվանգության խորհրդի հավանությանը»,- նշել է Պան Գի Մունը:

---