ՍԵՊՏԵՄԲԵՐԻ 16-ԻՆ ԵՐԵՎԱՆԻ ԿԱՄԵՐԱՅԻՆ ԹԱՏՐՈՆՈՒՄ ԿԿԱՅԱՆԱ ՌՈՒԲԵՆ
ՓԱՇԻՆՅԱՆԻ ՆՈՐ ԺՈՂՈՎԱԾՈՒԻ ՀԱՅՏԱՀԱՆԴԵՍԸ
13-09-2007 16:20:00 | Հայաստան | Մշակույթ
ԵՐԵՎԱՆ, 13 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Երեւանի Կամերային
թատրոնում սեպտեմբերի 16-ին կկայանա Ռուբեն Փաշինյանի չորրորդ`
«ՊՌոստո» (ռուսերեն) ժողովածուի հայտահանդեսը: Գրողի նոր
ժողովածուում ընդգրկված են ռուսական ինտերնետ-մրցույթների մասնակից
եւ մրցանակակիր ստեղծագործություններ: Այս ժողովածուն «PR» ցիկլի
եզրափակիչ գիրքն է: Առաջին երեքը` «Համր մարգարեն», «C.M.C.» եւ
«PR», ինչպես նաեւ «PR» աուդիոգիրքը նախկինում արդեն ներկայացվել
են հայ եւ ռուս ընթերցողի դատին:
Վերջին նախագծում` «PR» աուդիոգրքում, Ռ.Փաշինյանի
ստեղծագործությունները հնչում են Ռուսաստանի, ԱՄՆ-ի, Ուկրաինայի եւ
Մեծ Բրիտանիայի բանաստեղծ-արձակագիրների կատարմամբ: Այդ չորս
գրքերի մոտիվներով գրվել է պիես («Եռատում կամ... Իլիոն-2»), որը
շուտով կներկայացվի հայ, իսկ ավելի ուշ նաեւ ռուս հանդիսատեսի
դատին: