ՌԱԴԱՆ ՉԵՂՅԱԼ Է ՀԱՅՏԱՐԱՐԵԼ ՊԱՏԳԱՄԱՎՈՐՆԵՐԻ, ՆԱԽԱԳԱՀԻ ԵՎ
ԴԱՏԱՎՈՐՆԵՐԻ ԱՆՁԵՌՆՄԽԵԼԻՈՒԹՅՈՒՆԸ
04-09-2007 20:06:00 | Ուկրաինա | Միջազգային
ԿԻԵՎ, 4 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Ուկրաինայի Գերագույն
ռադան հավանություն է տվել Սահմանադրության մեջ փոփոխություններ
մտցնելու մասին օրինագծին` վերացնելով ժողովրդական պատգամավորների,
նախագահի եւ դատավորների անձեռնմխելիությունը: Այս որոշման օգտին
քվեարկել են ներկա գտնվող 263 պատգամավորներից 259-ը:
Օրինագիծն ուղարկվել է Սահմանադրական դատարան, որը պետք է
որոշի դրա` սահմանադրականության հարցը:
Նախագահ Վիկտոր Յուշչենկոն եւ ընդդիմությունը` Յուիլյա
Տիմոշենկոյի դաշինքը եւ «Մեր Ուկրաինա» նախագահամետ դաշինքը,
Ռադայի այսօրվա նիստը համարում են անօրինական:
Հիշեցնենք, որ ավելի վաղ նախագահն իր հրամանագրով ցրել էր
Գերագույն ռադան եւ վաղաժամկետ խորհրդարանական ընտրություններ
նշանակել սեպտեմբերի 30-ին: