ԱՖՂԱՆՍՏԱՆՈՒՄ ԼԵՀ ԶԻՆՎՈՐՆԵՐԸ ՍՊԱՆԵԼ ԵՆ ԽԱՂԱՂ ԲՆԱԿԻՉՆԵՐԻ
23-08-2007 12:46:00 | Աֆղանստան | Միջազգային
ՔԱԲՈՒԼ, 23 ՕԳՈՍՏՈՍԻ, ՆՈՅՅԱՆ ՏԱՊԱՆ: Օգոստոսի 22-ին
Աֆղանստանում թալիբան գրոհայինների հետ փոխհրաձգության ժամանակ լեհ
զինծառայողները պատահաբար սպանել են 5 խաղաղ բնակիչների: Այս մասին
հայտարարել է Լեհաստանի ազգային պաշտպանության նախարարության
ներկայացուցիչ Յարոսլավ Ռիբակը:
Դեպքը տեղի է ունեցել այն բանից հետո, երբ լեհական
զրահամեքենան հարձակման է ենթարկվել թալիբ գրոհայինների կողմից:
Պատասխան կրակի ժամանակ լեհ զինվորները պատահաբար սպանել են խաղաղ
բնակիչների: Դեպքի կապակցությամբ սկսվել է հետաքննություն: