ՎԱՇԻՆԳՏՈՆ, 17 ՕԳՈՍՏՈՍԻ, ՆՈՅՅԱՆ ՏԱՊԱՆ: ԱՄՆ-ի նախագահ Ջորջ Բուշի երկվորյակ դստրերից Ջեննան պատրաստվում է ամուսնանալ ծխախոտի «արքայի» որդու հետ: Այս մասին հայտարարել են Բուշ ամուսինները: Ըստ տեղեկությունների, 25-ամյա Ջեննայի եւ նրա ընտրյալի` Հենրի Հեգերի նշանադրության արարողությունը տեղի է ունեցել օգոստոսի 15-ին: Հարսանիքի օրը դեռեւս որոշված չէ: Նախագահի ապագա փեսայի մասին շատ քիչ բան է հայտնի: Նրա հայրը` Ջոն Հեգերը, Վիրջինիա նահանգի ծխախոտային բիզնեսի «արքան» է: Ժամանակին նա զբաղեցրել է Վիրջինիայի փոխնահանգապետի պաշտոնը: Իսկ այժմ զբաղեցնում է կրթության նախարարի օգնականի պաշտոնը:

---