ՀՀ ՎԱՐՉԱՊԵՏԸ ԱՇԽԱՏԱՆՔԱՅԻՆ ԱՅՑ Է ԿԱՏԱՐԵԼ ԱՐՄԱՎԻՐԻ ՄԱՐԶ
30-07-2007 17:05:00 | Հայաստան | Տնտեսություն
ԱՐՄԱՎԻՐ, 30 ՀՈՒԼԻՍԻ, ՆՈՅՅԱՆ ՏԱՊԱՆ: ՀՀ վարչապետ Սերժ
Սարգսյանը հուլիսի 28-ին աշխատանքային այց է կատարել Արմավիրի
մարզ: Էջմիածին քաղաքում վարչապետը ծանոթացել է ճանապարհաշինության
աշխատանքների ընթացքին, այնուհետեւ ուղեւորվել է մարզի Գայ գյուղ,
այցելել գյուղի դպրոց, մշակույթի տուն, տեղի Սուրբ Նշան եկեղեցի:
Ինչպես «ՆՈՅՅԱՆ ՏԱՊԱՆ»-ին հայտնեցին ՀՀ կառավարության
Տեղեկատվության եւ հասարակայնության հետ կապերի վարչությունից,
Ս.Սարգսյանը ծանոթացել է նաեւ Արմավիր քաղաքի ճանապարհաշինությանը,
Արտամետ համայնքում Հուշակերտ գյուղի հատվածում դիտել նորատունկ
այգիները, ապա այցելել Արտամետի նոր կառուցվող դպրոց, մասնակցել
դպրոցի հիմնարկեքին:
Արաքս գետի ափապաշտպան շերտի վրա կատարված աշխատանքներին
ծանոթանալու նպատակով, վարչապետը եղել է նաեւ Երվանդաշատ
համայնքում: