ՓԱՐԻԶ, 27 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 26-ին Ֆրանսիայի իրավապահ մարմինները երկրի հարավ-արեւմուտքում ձերբակալել են բասկերի «ԷՏԱ» խմբավորման առաջնորդներից 57-ամյա Խուան Կրուս Մաիսա Արտոլային: Այս մասին հաղորդում են տեղական լրատվամիջոցները: Իսպանիայի ՆԳ նախարար Ալֆրեդո Պերես Ռուբալկաբան հայտարարել է, թե Արտոլայի ձերբակալությունը մեծ հարված կհասցնի «ԷՏԱ» խմբավորման հետագա գործունեությանը, քանի որ վերջինս մեծ ազդեցություն է ունեցել խմբավորման կազմում` ղեկավարելով դրա թիկունքային ծառայությունը:

---