«ԱԼ ՂԱԻԴԱ»-Ն ԿՈՉ Է ԱՆՈՒՄ ՈՏՔԻ ԵԼՆԵԼ ՊԱԿԻՍՏԱՆԻ ՆԱԽԱԳԱՀԻ ԴԵՄ
12-07-2007 14:08:00 | Թուրքիա | Միջազգային
ԻՍԼԱՄԱԲԱԴ, 12 ՀՈՒԼԻՍԻ, ՆՈՅՅԱՆ ՏԱՊԱՆ: «Ալ Ղաիդա» միջազգային
ահաբեկչական կազմակերպությունը կոչ է անում հեղափոխություն սկսել
Պակիստանի նախագահ Փերվեզ Մուշարաֆի վարչակարգի դեմ: Այս մասին
հայտարարել է ահաբեկչական կազմակերպության առաջնորդներից Այման
Զավահիրին: Ինտերնետային կայքեջերից մեկում տեղ գտած
աուդիոուղերձով ահաբեկիչը կոչ է անում վրեժխնդիր լինել Մուշարաֆից`
Իսլամաբադի Կարմիր մզկիթում կազմակերպված ավերածությունների համար:
Նշվում է նաեւ, որ Կարաչիում Փերվեզ Մուշարաֆի դեմ բողոքի
ակցիա են կազմակերպել Պակիստանի արմատական քաղաքական ուժերը: Նրանք
նույնպես դժգոհություն են հայտնել Կարմիր մզկիթի գրոհի դեմ`
անվանելով այն իսկական ահաբեկություն:
Հիշեցնենք, որ Կարմիր մզկիթի գրոհը սկսվել էր հուլիսի 10-ին,
որի ժամանակ մեծ կորուստներ էր գրանցվել ինչպես գրոհայինների,
այնպես էլ զինվորականների կողմից: Սպանվել էր նաեւ իսլամիստների
առաջնորդ Աբդուլ Ռաշիդ Գազին: Մզկիթի գրոհը ավարտվել էր հուլիսի
11-ին: Պաշտոնական տվյալների համաձայն, զոհվել է մոտ 90 մարդ:
Սակայն անանուն աղբյուրները խոսում են հարյուրավոր սպանվածների
մասին: