ՍԱՄԱՐՐԱ, 11 ՀՈՒԼԻՍԻ, ՆՈՅՅԱՆ ՏԱՊԱՆ: Իրաքում սպանվել է
Սամարրայի քաղաքապետը: Այս մասին հաղորդում են թուրքական
լրատվամիջոցները:
Տեղեկությունների համաձայն, Սամարրայի քաղաքապետին` Աբբուդ
Համիդ Սալիհին, սպանել են իր տան մեջ: Այլ մանրամասներ չեն
հաղորդվում:
Սամարրա քաղաքը գտնվում է Իրաքի հյուսիսում` Բաղդադից 100 կմ
հեռավորության վրա: Հիշեցնենք, որ մոտ մեկ ամիս առաջ պայթեցվել էր
քաղաքի շիա մահմեդականների սրբավայրը` Ալ Ասքարիյե մզկիթը:
Պայթյունի հետեւանքով ավերվել էին մզկիթի երկու մինարեթները: Նշենք,
որ Ալ Ասքարիեն հարձակման էր ենթարկվել նաեւ 2006թ. փետրվարին,
ինչը դարձել էր միջկրոնական արյունալի բախումների պատճառ: