ՄԱՐՏՈՒՆԻ, 10 ՀՈՒԼԻՍԻ, ՆՈՅՅԱՆ ՏԱՊԱՆ: Մարտունիում անցկացվող «Սեւանա լիճ» միջազգային շախմատային մրցաշարում 4 փուլից հետո 2,5-ական միավոր են վաստակել Ջի Էն Գոպալը (Հնդկաստան), Յուրի Վովկը (Ուկրաինա), Դավիթ Հարությունյանը (Վրաստան): 2-ական միավոր ունեն Հրանտ Մելքումյանը, Արման Փաշիկյանը, Տիգրան Լ. Պետրոսյանը (Հայաստան) եւ Բարթոլոմեյ Մաչեյան (Լեհաստան): Մրցաշարի հիմնադիր-կազմակերպիչ, շախմատի հանրապետական ակադեմիայի տնօրեն Սմբատ Լպուտյանը «ՆՈՅՅԱՆ ՏԱՊԱՆ»-ի թղթակցին հայտնեց, որ մրցաշարն անցնում է համառ պայքարում. մասնակիցների հնարավորությունները գրեթե հավասարազոր են, ուստի դժվար է գուշակել, թե ով կարժանանա հաղթողի կոչմանը:

---