ՄՐՃԱՆԵՏՈՐԴ ՄԵԼԻՆԵ ՉՎՉՅԱՆԸ ՀԱՅԱՍՏԱՆԻ ՆՈՐ ՌԵԿԵՐԴ ՍԱՀՄԱՆԵՑ
02-07-2007 15:12:00 | Հայաստան | Սպորտ
ԵՐԵՎԱՆ, 2 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 1-ին Երեւանի
օլիմպիական հերթափոխի պետական մարզական քոլեջի աթլետիկայի
մարզադաշտում անցկացվեց սպորտի վաստակավոր վարպետ, Խորհրդային
միության բազմակի չեմպիոն եւ ռեկորդակիր, համաշխարհային
ունիվերսիադայի չեմպիոն Վարդան Հովսեփյանի ավանդական` թվով 5-րդ,
հուշամրցաշարը: Մասնակցեցին Երեւանի եւ Վանաձորի 44 նետորդ
աթլետներ (մուրճ, գունդ, սկավառակ, նիզակ):
Մրցումներում Հայաստանի նոր ռեկորդ գրանցեց մրճանետորդ Մելինե
Չվչյանը (Երեւան), որը ցույց տվեց 46 մ 98 սմ արդյունք:
1960թ.-ին Վարդան Հովսեփյանի սահմանած 18 մ 88 սմ (գունդ)
համամիութենական ռեկորդը անհասանելի մնաց Հայաստանի մարզիկների
համար: