ԵՐԵՎԱՆ, 22 ՀՈՒՆԻՍԻ, ՆՈՅՅԱՆ ՏԱՊԱՆ: Ռումինիայում հունիսի 16-ին մեկնարկել է շախմատի միջազգային «Արքայական մրցաշար»-ը, որի 11 մասնակիցների թվում է նաեւ գրոսմայստեր Ռաֆայել Վահանյանը: 6-րդ փուլում նա ոչ-ոքի խաղաց Ուլֆ Անդերսոնի (Շվեդիա) հետ: Մրցաշարում 4-ական միավորով առաջատարներն են Ալեքսանդր Խալիֆմանը (Ռուսաստան) եւ Ռաֆայել Վահանյանը (հայ գրոսմայստերը 1 հանդիպում ավելի է անցկացրել): Մրցաշարը կավարտվի հունիսի 27-ին:

---