ԸՍՏ ԳԵՐՄԱՆԱԿԱՆ ՀԵՏԱԽՈՒԶՈՒԹՅԱՆ, ԻՐԱՆԸ ՊԱՏՐԱՍՏՎՈՒՄ Է ՍՏԵՂԾԵԼ
ԶԱՆԳՎԱԾԱՅԻՆ ԲՆԱՋՆՋՄԱՆ ԶԵՆՔ
18-06-2007 22:05:00 | Գերմանիա | Միջազգային
ԲԵՌԼԻՆ, 18 ՀՈՒՆԻՍԻ, ՆՈՅՅԱՆ ՏԱՊԱՆ: Իրանը աշխատում է
զանգվածային բնաջնջման զենք եւ դրա փոխադրման միջոցներ ստեղծելու
ուղղությամբ: Այս մասին գերմանական «Բեռլիներ Ցայտունգ ամ զոնտագ»
թերթին տված հարցազրույցում հայտարարել է գերմանական
հետախուզության ղեկավար Էրնստ Ուրլաուն:
Ուրլաուն նշել է, որ իրենք ունեն այնպիսի տեղեկություններ,
ըստ որոնց, Իրանը միջոցներ է ձեռնարկում իր միջուկային ծրագրի
իրականացման համար, որն էլ ուղղված է միջուկային զենք ստեղծելուն:
Իսկ դրան, ըստ գերմանական հետախուզության ղեկավարի, Իրանը կարող է
հասնել մի քանի տարվա ընթացքում: