ԱՖՂԱՆՍՏԱՆՈՒՄ ԻՍԼԱՄԻՍՏ ԳՐՈՀԱՅԻՆՆԵՐԻ ԴԵՄ ԻՐԱԿԱՆԱՑՎԱԾ
ԳՈՐԾՈՂՈՒԹՅԱՆ ՀԵՏԵՎԱՆՔՈՎ ՍՊԱՆՎԵԼ Է 7 ԵՐԵԽԱ
18-06-2007 13:52:00 | Աֆղանստան | Միջազգային
ՔԱԲՈՒԼ, 18 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 17-ին կոալիցիոն
ուժերը Աֆղանստանի հարավ-արեւելքում գործողություններ են
իրականացրել «Ալ Ղաիդա»-ի գրոհայինների դեմ:
Ըստ տեղեկությունների, իսլամիստ գրոհայինները թաքնված են եղել
այդ շրջանում գտնվող մի մեդրեսեում (հոգեւոր դպրոց), որի
ռմբահարման հետեւանքով զոհվել են աֆղանստանցի 7 երեխաներ:
Ռազմաօդային ուժերի իրականցրած գործողության արդյունքում սպանվել
են մի քանի գրոհայիններ:
Կոալիցիոն հրամանատարությունը ցավակցություն է հայտնել կատարվածի
կապակցությամբ` հայտարարելով, թե գրոհայիններն իրենց
գործողությունները իրականացնելու համար երեխաներին օգտագործում էին
որպես «վահան»: