ՀԱԱԳԱ, 12 ՀՈՒՆԻՍԻ, ՆՈՅՅԱՆ ՏԱՊԱՆ: Հաագայի միջազգային դատարանը 35 տարվա ազատազրկման է դատապարտել Խորվաթիայի սերբերի նախկին առաջնորդ Միլան Մարտիչին: Դատարանը 52-ամյա Մարտիչին մեղավոր է ճանաչել Խորվաթիայի հյուսիս-արեւելյան շրջանում հարյուրավոր ոչ սերբ բնակիչների սպանելու, խոշտանգելու, հետապնդելու եւ արտաքսելու մեջ: 1990-ական թթ. նախկին ոստիկան Միլան Մարտիչը Խորվաթիայի մի հատվածը ցանկանում էր վերածել էթնիկապես միատարր սերբական պետության:

---